CIENCIA
NEBRASKA, Merca – Cecile Eledge, un muhe Mericano di 61 aña cu a fungi como a mama di su nieta a duna luz siman pasa den e Centro Medico di Nebraska. El a carga e yiu/su nieta pa su yiu homber y su casa, un pareha homosexual.
Despues di cu su yiu Matthew Eledge, y su casa, Elliot Dougherty, a dicidi di expande nan famia y haya un yiu, e ruman di Eliott, Lea Yribe, a ofrece di duna su ovulonan. E pareha a cumisna busca un candidato pa carga nan yiu, pero nan tabata haya e proceso hopi confuso.
“Nebraska ta un estado bastante conservador, y nos tabata tin duda si ta bay e agencia y tambe un poco miedo di cu cosnan complica pa nos door cu nos ta un pareha gay”, Matthew a señala.
E momento ey Cecile a ofrece su mes pa ta e “mama” di e yiu di e pareha. “Mi no a duda niun momento”, e muhe a bisa. “Mi tabata hopi emociona di por ta parti di e aventura cu nan. Tabata un amor incondicional”.
Despues di cu dokternan a duna nan aprobacion, a pesar di e edad di Cecile, henter e famia a cuminsa prepara su mes pa e embaraso. “Tabata realmente emocionante pa sa cu mi mama y mi tata y full mi descendencia y full mi dinastia familiar lo ta parti di dje”, Eliott a bisa tocante su yiu recien naci.
E baby, yama Uma, a nace na final di maart via parto natural, cu a dura 12 ora.
Elliot recientemente a perde su mama pero el a haya consuelo di wak e parecido grandi di Uma cu su famia. Aunke cu nan sa cu nan lo haya nan mes cu reaccionnan negativo door di e historia poco convencional di e nacemento di Uma, e ta sigura di ta prepara pa splica esaki na syu yiu ora cu e bira grandi.