QUEENS, New York – Un Jackpot a anuncia cu el a gana e premio mayor, pero e casino a alega cu tabata un eror di e mashin y a ofrec’e un cuminda gratis. Awo, e ta hibando esaki corte.
Katrina Bookman, a captura e atencion nacional aña pasa, ora cu el a hunga un “jackpot di sphinx” den Resorts World Casino na Queens, New York y parce cu el a gana 43 miyon di dollar – cu lo tabata e premio mas grandi gana den e mashinnan aki na Merca. Emociona, Bookman a tuma un selfie cu e pantaya, keriendo cu su bida a cambia pa semper.
Pero ora cu Bookman a bay recoge su premio, un trahado di e casino a bis’e cu en realidad e no a gana nada y a ofrece nada mas cu un cena di steak di cortesia y 2,25 dollar.
E abogado di Bookman a bisa cu e no a acepta ni e cena ni e 2,25 dollar.
Na e momento ey, e vocero di Resorts World, Dan Bank, a disculpa y a bisa CNN, cu e “personal di casino tabata capas di determina cu e cifra mustra riba e mashin tabata resultado di un obvio eror – un hecho confirma mas despues pa e Comision di Wega di e Estado di New York.”
E comision tambe a bisa na Augustus cu e mashin a mustra un aviso cu a bisa: “E erornan di funcionamento ta anula tur loke ta paga y hunga.”
E abogado di Bookman, Alan Ripka, ta bisa cu nan ta lunchando durante varios luna pa e casino dun’e mas placa en efectivo, pero nan no tabata tin exito. Asina ta, cu dia 14 di Juni nan a presenta un demanda.
Ripca tambe a bisa cu e excusanan di e casino ta “ridiculo.”
“No por afirma cu un mashin ta daña pasobra nan kier pa e ta daña, kiermen cu e no a wordo inspecciona? Ta nifica cu nan no a haci mantenimento?”, Ripka a bisa CNNMoney. “Y si ta asina, ta nifica cu e hendenan a hunga eynan prome cu Bookman, tabata tin cero posibilidad di gana?”
Ripka tambe a bisa cu a pidi Resorts World Casino pa splica cu e mashin tabata funciona, pero e compania no a ofrec’e nada.
E keho ta bisa cu Resorts World Casino tabata “negligente” y a haci e mantenimento adecuado na su mashinnan. Tambe ta planea cu Bookman a sufri di “angustia mental” como resultado di e incidente y un reves monetario “significativo” pasobra “ el a perde e oportunidad di gana” na e mashin.
E denuncia tambe ta nombra e empresa Genting New York LLC, cu ta e compania matriz di Resorts World Casino y e fabricante di Jackpot, International Game Technology.
Ripka a bisa cu e tin planea pa busca por lo menos 43 miyon di daño.
E casino no a responde inmediatamente na e solicitud di CNNMoney pa duna comentario riba e demanda.
E pleito ta similar na un caso anterior contra un casino di Iowa.
Chicago Tribune a informa cu un tribunal a faya na fabor di Isle Casino Hotel ora cu e jackpot di cen a indica cu un muhe di 90 aña a gana 41 miyon di dollar. E tribunal a dictamina cu “e reglanan di wego tabata limita na premionan na 10 mil dollar y no ta permiti bonificacion,” segun e corant.
Fuente: www.cnnenespanol.com