BERN, Suisa – Un muhe a insulta e embahador Venezolano na Suisa, Cesar Osvelio Mendez Gonzales den un tienda di e cadena di supermercado na Bern, caminda cu el a acusa di tin un bon bida eynan, mientras cu den su pais, hendenan “no tin nada di come.”
E incidente a wordo haci publico ora cu a divulga un video riba Youtube, cu awe medionan helvetico y Venezolano a capta.
Segun e corant Aleman “Tagesanzeiger,” e muhe parce un Latino Americana, a mira e diplomatico y su casa den un establecimento di e cadena di supermercado Migros, den e capital Suiso y a cuminsa grita “Ladrones, ladrones” y “Corruptos.”
“Viva bon aki y na Venezuela no tin nada di come,” el a grita e embahado, kende a sigui keiro den e supermercado y no a confronta e atake verbal di e muhe.
Dilanti e clientenan e muhe ta bisa: “E hendenan aki ta horta placa di Venezuela” y e pais “lo muri di hamber pa via di hendenan manera dibo.”
“Nan no tin curazon,” e muhe a agrega, kende a graba cu su celular henter e escena y a sostene cu “aki (na Suisa) nan no por haci nan kier.”
Fuente: http://www.eluniversal.com.mx
https://www.youtube.com/watch?v=WfStBo2VX2E