Un combinacion cortico di letter y number: e codigo di acceso na un cellular a costa un Indones di 26 aña su bida, ora cu el a wordo kima bibo door di su casa.
Un muhe Indones a kima su casa bibo despues di tabata tin un discusion cun’e cual a cuminsa door cu e casa a nenga di duna e password di su telefon, Daily Mail a informa.
Dedi Purnama, di 26 aña, tabata drechando e daki di su cas ora cu su casa, Ilham Cahyani, di 25 aña, a pidi’e pa su password di e cellular.
E homber a nenga y na e momento ey a cuminsa cu’n pelea cu a aumenta di tono na momento cu Purnama a a baha for di e dak y a dal e muhe. Esaki ta momento cu e casa ta basha un likido inflamabel ariba dje y ta cende na candela.
Purnama a muri dos dia despeus di e aggression den e hospital Keruak di e provincia Indones di Nusa Tenggara Occidental.
Cahyani a wordo aresta y ta bou di custodia policial. E investigacion ta siguiendo su curso.