HARBIN, China- Un muhe a perde su pia ora el a keta pega te na su cintura den un roltrap. Aunke e rescatistanan a logra sak’e, su pia ya caba a keda amputa.
E suceso a tuma luga dia 20 di juli na Harbin, capital di e provincia Chines di Heilongjiangl, e portal AsiaOne. E imagen a difundi ariba rednan social a mustra e muhe pega for di su cintura te abou den un buraco di e roltrap.
Aunke rescatistanan a logra sak’e, su pia robes ya caba a keda amputa for di su rudia, mescos cu su pia drechi. Awo e victima ta na hospital y su situacion ta stabiel.
Segun e version di su famia, e trapiann di metal diripiente a hala for bou di su pia, y e no tabata tin nada solido unda cu e por para. Famia a agrega cu prome cu e accidente e roltrap tabata funciona cu normalidad.
Sin embargo, testigoann a indica cu e muhe a subi e roltrap a pesar di cu esaki tabata tin un borchi di aviso su dilanti, cu e muhe mes a kita.
Segun parce e dispositivo lo a wordo drecha recientemente y ainda e tabata den periodo di prueba. E caso ta bou di investigacion pa autoridadnan.