PARIS, Francia – Liliane Bettencourt, e comerciante Frances y heredera di e fundador di L’Oreal, a fayece diaranson anochi. Esaki ta segun e agencia di noticia AFP. Bettencourt lo a bira 95 dia 21 di October.
Bettencourt tabata, como heredera di L’Oreal, e muhe mas rico na mundo. Fobes a calcula cu e ingreso di Bettencourt na 2016 lo tabata 33 biyon di Euro. E famia ainta tin 33 porciento den e imperio di cosmetica Frances den nan man.
Na edad di 15 aña Bettencourt a drenta den e compania di cosmetica cu su tata a funda. Na 1950, el a casa cu e politico Andre Bettencourt, kende entre otro tabata ocupa un funcion halto den Gobierno Francies. Na 1957, el a hereda L’Oreal di su tata y a yuda activamente cu e reconstruccion di e empresa. Na 1963 Bettencourt a duna su aprobacion pa e compania drenta den bolsa. Un parti di e capital cu Bettencourt tabata tin cu L’Oreal, el a dedica na obranan di caridad.
Na 2010, e heredera di 87 aña a wordo interoga pa polis na Paris riba posibel fraude y financiamento ilegal di partidonan politico.
E lo mester a entre envelopnan cu placa na e presidente Nicolas Sarkozy pa su campaña na 2007.
Den e investigacion eynan, Sarkozy no a wordo persigui na 2013.
Bettencourd algun aña atras a wordo poni bao di curatela pa su famia. Segun su yiu muhe, Bettencourt a regala gran parti di su fortuna y tabata sufri di Alzheimer y demencia.
Fuente: www.nrc.nl