Central di strandpolitie ta wordo dirigi na Tradewinds na Riu Antillas, pa un ladronicia. Eynan a papia cu e manager di Tradewinds, yama AC, kende a declara cu un cliente a presenta mainta na e tienda y segun imagennan di video, e cliente aki a hinca algun articulo den su tas preto y tabata actua sospechoso na un reki di paña. Tambe e muhe aki a bay na e paskamer y despues a cana bay for di e negoshi. Segun A., e mesu muhe aki tabata e dia prome y otro dianan pasa den e negoshi aki. Tambe e ta haya falta di algun articulo. A. a conta cu e cliente a hinca un pida prenda di bisti den su carson. Polis a tuma dato di esaki. A. a mustra polis a imagennan di video y por a mira cu e cliente a hinca e paña for di e reki den su tas preto. Tambe el a bira rond wak si un hende tabata wak’e. Den cuadro di esaki, LA a wordo deteni pa ladronicia y a wordo hiba na warda di strandpolitie caminda cu el a keda presenta dilanti di fiscal auxiliar. Central a wordo poni na altura.