Muhe dilanti mesa berde un biaha mas acusa di homicidio despues di cu su yiu a nace morto

SAN SALVADOR, El Salvador- E muhe Salvadoreño Evelyn Hernández, kende a wordo laga den libertad na februari, despeus di cu su sentencia di 30 aña pa a haya yiu cu a muri durante parto, dialuna a bolbe bay corte. E biaha aki e ta wordo acusa di homicidio culposo.
Abogadonan defensor di Evelyne a bisa cu esaki ta un huicio nobo contra di dje y cu nan lo lucha pa su libertad, ya cu e ta inocente di e acusacion.
Na februari ultimo Corte Supremo di Husticia a anula un sentencia di 30 aña di prizon pa homicidio grave contra di Hernandez, di 21 aña cu a pasa 33 luna den prizon, y awo ta enfrenta otro huicio. E biaha aki pa negligencia, cu ta wordo castiga cu’n castigo menor.
Hernandez a declara su mes inocente di e caso aki.
Na El Salvador, abortus ta wordo castiga cu’n castigo di prizon di te cu 50 aña.
Mas di binti muhe ainda ta cera den prizon pa a comete abortus na El Salvador, hopi di cual a sufri emergencia obstretico y ora cu nan a busca asistencia den hospitalnan publico, nan e wordo denuncia bou di un ley estricto cu ta prohibi e interupcion di e embarazo, bou di cualkier circumstancia.

Comments

comments