MINNESOTA, Merca- Autoridadnan di e estado di Minnesota, Merca ta investigando e hechonan rond di e morto di un ciudadano Australiano na man di polis.
E victima ta Justine Damond, un muhe di 40 aña, cu tabata profesora di yoga y meditacion. Aki un luna lo e mester a drenta enlace matrimonial.
Despues di a ricibi un yamada di emergencia diasabra anochi, polisnan a yega na e cas y a cuminsa tira ariba e muhe, pa motibonan desconoci. Esaki segun e oficina di detencion criminal di e Departamento di Siguridad Publico (BCA).
Ademas, e “bodycam” di e agentenan no tabata cendi y esun di e patruya tampoco a graba nada.
Alcaldesa di Minneapolis, Betsy Hodges a bisa “nos tur kier haya sa mas, ami kier sa mas. Mi ta haci un apelacion na BCA pa comparti mas tanto informacion posible, mas pronto posibel.
Fuentenan anonimo cita pa medionan local; ta bisa cu un di e agentenan a tira ariba e muhe, bisti den su piyama, despues cu e muhe a acerca na e porta banda di chauffeur di e patruya.
Fuente:http://www.ntn24.com