MONTREAL, Canada – Chely Torres nunca a imagina cu un impulso di fanatico namora lo a haci’e famoso di un dia pa otro. Y menos el a kere cu su matrimonio lo a bay peligra despues di asisti un concierto di Carlos Vives.
E cara di Carlos Vives despues di e sunchi, a bisa un solo cos: “Se le descongelaron los chococonos”.
E locutora di radio aki, cu ta biba ya pa 17 aña na Montreal, Canada, a acredita su mes pa cubri e concierto di dia 13 di Juli ultimo.
E muhe, casa y cu un yiu, tabata tin e oportuidad di hasta saca potret cu Vives backstage prome cu e evento a cuminsa.
Pero despues a sosode e episotio, cu a pone su matrimonio na peliger. Ora cu Vives tabata cantando Carito, e Mexicana a probecha un descuido di siguridad, e no a wanta su gananan y a bay duna e cantante un sunchi apasiona, kende no a resisti en lo absoluto.
E escena di “e sunchi horta” a dal un buelta rond mundo. Mientras cu e dianan ta transcuri, e medionan di comunicacion tabata busca e muhe sin suerte. Y tabata diabierna cu e programa Despierta America di Univision, a logra entrevista Chely.
“Mi a bay cubri e evento como prensa, obviamente mi tabata extremadamente contento, mi curason tabata yena cu emocion, yena di alegria, Carlos a cuminsa canta e cancion di Carito y ya, siguridad a distrae, mi no por a contene mi mes, mi a laga mi mes domina pa e emocion y ya, mi a tira riba dje,” el a bisa.
Chely no a sconde cu dunando e cantante un sunchi, cu su casa no a gusta. Y a reconoce cu e matrimonio, despues die sey, a cuminsa haya problema.
“Ta hopi hopi dificil den loke ami ta pasando aden y mi no kier papia pa mi casa, pero e situacion ta hopi hopi dificil, mi ta na drempel di perde mi matrimonio,” el a bisa.
Apesar di tur esaki, Chely a bisa di no a duel’e a duna un sunchi na un di su artistanan faborito: “Mi ta un fanatico di dje for di tempo mi tabata tin diestres aña. Mi no ta arepenti, mi ta su fan, mi ta ador’e, mi stima su musica y ora mi ta pensa den e momento magico aki, obviamente mi no ta arepenti. Pero ta bin e parti unda mi por perde mi matrimonio. Mi a haci algo cu pa hopi hende, y vooral den nos cultura Latina, ta wordo considera taboo. Nos ta na Norte America y esaki ta normal pa hopi hende cu tin un mente habri.”
Fuente: http://www.semana.com/