CAIRO, Egipto- Un tribunal Egipcio a sentencia un muhe Britanico na tres aña di prizon diamars. El a wordo castiga pa a introduci, di manera ilegal casi 300 antibiotica den e pais aki, den un fayo cu su ekipo di defensa a señala cu nan lo apela pa e wordo revoca of cambia.
Laura Plummer, iun dependiente di 33 aña di Hull, Inglatera, a wordo aresta na October despues cu a descubri cu e tabata tin cantidad di pildonan Tramadol den su maleta. Su famia a splica na medionan Ingles, cu el a cumpra pildo pa su pareha Egipcio, cu ta biba den e balneario di Hurghada, na Lama Cora.
Dialuna Plummer a asisti na un audiencia pa su caso, prome cu el a wordo sentencia diamars. E tribunal a decreta tambe cu e lo mester paga un boet di 100 mil Pound Egipcio (4.700 euro).
Tramadol ta un remedi lega cu ta wordo bendi bou prescripcion medico na Reino Uni, pero cu ta prohibi na Egipto. Plummer a wordo deteni ora cu el a yega for di Inglatera na October y su detencion a wordo extendi dos biaha prome cu el a presenta den e tribunal.
E famia di Plummer a bisa cu el a wordo obliga pa firma documentonan den Arabe cu e no tabata compronde. “E ta na rand di un atake di nervio. E ta horibel”, segun su ruman a declara.
Fuente: http://www.elperiodico.com/es/