Un muhe na Brasil a wordo deteni despues di a yega un banco cu cadaver di un persona, cu a fayece algun ora prome, pa purba di ricibi un prestamo cu ya a wordo aproba na nomber di e difunto, segun e medionan local.
E echo insolito aki a tuma luga diamars den un sucursal di e entidad bancario Itau den e bario di Bangu, na Rio de Janeiro, na cual Erika de Souza Vieira Nunes a drenta cu un rolstoel caminda e curpa di kende e ta sigura cu tabata su omo, tabata reposa, kende mester firma un documento p’e entrega di 17 mil real (mas o fmenos 3200 dollar.
Mientras cu e tabata wordo atendi, e trahadonan di e banco a cuminsa sospecha riba e estado di salud di e homber, ya cu e tabata incapaz pa tene un pen y ni sikiera e por a wanta su cabes stret.
E muhe a actua den tur momento cu normalidad y a pidi su supuesto omo p’e firma e papel di e prestamo, wantando su man y su cabes varios biaha. E no tabata parce spanta ni preocupa p’e situacion y hasta e tabata hari. Sinembargo e colo bleek di e homber y su falta di habla a haci cu e empleadonan a yama Servicio Mobil di Atencion di Emergencia (Samu).
“El a drenta morto”
Un unidad medico a acudi n’e luga y a constata cu e individuo, identifica como Roberto Braga, di 68 aña, tabatin varios ora morto, pa cual e muhe a wordo aresta y hiba na ward’i polis. Di acuerdo cu su testimonio, e tabata sobrina di e anciano y encarga di su cuido. El a añadi cu su omo tabata debil y fragil di salud.
“El a purba p’e firma, pero e empleadonan a pensa cu e tabata malo y a yama Samu. El a drenta e banco morto. El a bisa cu e ta su cuidado y den cualkier caso e lo responde p’e delitonan. Nos ta bay sigui cu e investigacion cu e otro miembronan di e famia y berigua si e tabata bibo durante e fecha di e prestamo,” e hefe di polis, Fabio Luiz, a declara.
Autoridad ta purbando di determina si ta trata di un delito di hortamento mediante fraude of estafa y si e detenido tabata realmente famia di e victima. Fuera di esey, ta revisando e videonan di camara di siguridad pa berigua si tabatin otro hende envolvi.