SANTANDER, Colombia – Un pashent di 30 aña, a yega fin di siman pasa na e Clinica Universitaria Santander, na Colombia, cu un dolor fuerte di stoma y cu sacamento. Ora cu e dokternan a puntra pa su sintomanan, y su actividadnan reciente, e muhe a bisa cu el a guli cerca di 9000 dollar den biyete di 100, segun hefe di cirugia di e hospital, Juan Pablo Serano, a relata na CNn en Español.
E pashent a afirma cu e tabata tin un discusion familiar y p’esey el a traga varios rol di biyete.
E papel a causa dos obstruccion den e tracto digestivo, un den e pylorus y e otro den e paso di e intestino fini pa e diki. “A practica un cirugia y a extrae tres rol cu a suma un total di 57 biyete di 100 dollar,” Serrano a bisa na e medio aki.
“E restantenan, cu tabata den e tracto, a avansa pa e colon y a wordo expulsa di manera normal,” el a añadi.
Segun Serrano a completa 70 biyete di 100 (7 mil dollar). E muhe a recupera satisfactoriamente y pa trata di unc aso inusual a pone autoridadnan na altura, cu a confisca e biyetenan.
E pashent a wordo referi na un consulta psicologico y a lage bay cas diahuebs dia 27 di April.
“E placa ta den relativamente bon condicion, tras di un labado den e area kirurgico. E muhe a bisa cu e placa ta di su famia y loke tin di compronde cu e tabata den un situacion di desespero pa un pelea cu a hib’e pa tuma e decision absurdo aki cu a pone su bida den riesgo,” Serrano a añadi.
E dokter a bisa cu aunke den algun caso e obhetonan cu hende ta ingeri, ta sali di forma natural, den e caso di e biyetenan no tabata tin nada cu por a facilita su transito y aunke nan a warda, e muhe ya tabata tin hopi dolor y mester a oper’e pa evita complicacion.
Den combersacion cu polis Metropolitano di Bucaramanga, cu a tuma e caso, e institucion a bisa CNN en Español, cu na e momentonan aki, ta haciendo verificacionnan y cu mas dilanti den e investigacion, lo duna e resultadonan.
Fuente: CNN en Español