ARIZONA, Merca- Un muhe di 92 aña a tira su yiu homber mata, pa evita cu esaki hib’e un cas di anciano, segun CBS News.
E crimen, cometi pa Anna Mae Blessing, a tuma luga dialuna den e localidad di Fountain Hills. Anna tabata biba cu su yiu homber, Thomas, di 72 aña y e casa di esaki den e apartament di e casa.
Segun e informe policial, Thomas a pretende di manda su mama un asilo debi cu e convivencia cun’e a bira dificil. E muhe a sconde dos pistool den su saco di su bata y a dirgi su mes pa camber di su yiu homber y a tir’e dos biaha. Despues Blessing a a mik e arma contra e pareha di e yiu, pero e pareha a logra kit’e for di e dje. Despues el a saca e di dos pistool cual tambe a wordo kita for di dje.
“El a kita mi bida, asina ta cu mi ta kita esun di dje”, Blessing a bisa ora cu polis a yega. E muhe ta deteni y ta enfrenta cargonan di asesinato di prome grado, asalto grave cu arma di candela y secuestro. Su fiansa a wordo poni pa un miyon dollar.