DUSSELDORF, Alemania – Corte Aleman a cuminsa diahuebs cu un caso contra un kickboxer Marocano-Aleman di 19 aña kende a viola un dama di edad hopi respetabel. E victima di 90 aña, a wordo maltrata, horta y menasa cu morto.
Aña pasa October, Souhayl M. ya e tempo ey un conoci di polis, a maltrata e dama di edad riba un diadomingo mainta, ora cu e tabata canando pa su cas despues di un bishita na su misa. Esaki ta segun e corant Aleman, Die Welt. El a lastra e victima den un caya y a menase cu morto pa despues e viol’e. E muhe tabata tin algun rasca y plekinan blauw despues di e maltrato.
Den sala di corte, e Aleman a declara diahuebs, cu el a bebe hopi riba e dia ey y tambe a uza droga. “Unabes na cas, e no por a kere kico a pasa.” M. a accentua cu e tin “sexualidad normal” y e no ta compronde su hechonan. Antes e tabata agresivo, pero cu el a yega asina leu, e no ta compronde, asina el a zona.
Ora cu M. a wordo aresta despues di un DNA-match cu a pone polis riba e bon pista, e tabata cera capa pa un incidente.
E Aleman tin un historia yena cu criminalidad. El a nace na Marocco y a lanta na Spaña, caminda cu el a bira miembro di un gang internacional di droga. M. a wordo sentencia di ta envolvi den peleanan, ladronicia y delitonan di droga. Na 2016 el a bin Alemania pasobra su bida na Spaña no tabata sigur.
E caso lo sigui dia 27 di Maart.
Fuente: De Telegraaf