YUANDE, Cameroon- Despues di cu dialuna hombernan arma no identifica a secuestra 79 mucha for di un scol Presbiteriano na Cameroon, esakinan a wordo poni den libertad, segun AFP a informa.
E persona cu ta haciendo e rol di mediador ta maestro of ministro Samuel Fonki Presbiteriano, di parti di Iglesia Presbiteriano di Cameroon. Segun declaracionnan recogi door di Reuters, Fonki a bisa cu dia 31 di october, e mesun grupo arma aki tabata responsabel di e secuestro di 11 otro mucha.
E minister di Comunicacion a confirma e noticia. Dos di e tres adultonan cu tabata cuidando e menornan ainda ta secuestra.
E muchanan a wordo secuestra pa supuesto separatistanan di habla Ingles di e Region Noordoost a wordo libera, aunke no ta mucho cla di con e secuestro y liberacion a tuma luga. Ehercito a lansa un operativo di rescate
E muchanan, di entre 10 y 14 aña a wordo saca for di e scol den e localidad di Bamenda hunto cu tres adulto, entre cual e director di e scol.
E muchanan a wordo laga dilanti di un misa cerca d Bamenda, aunke esaki no por a wordo confirma pa autoridadnan.
Fonki a sigura cu e muchanan tabata mustra cansa, como si fuera nan a sufri hopi durante nan cautiverio. E scol a tuma contacto cu e mayor y representantenan di e muchanan pa nan busca nan yiunan. Tur e scolnan Presbiteriano lo keda cera pa motibonan di siguridad.
For di 2016 gruponan separatista a bin ta atacando scolnan como parti di nan campaña contra di e mandato di presidente Paul Biya, cu ta wordo acusa di impone e idioma Frances debilitando e Ingles, cu ta wordo papia specialmente den e zonanan na frontera cu Nigeria.