Diaranson atardi “el Astro” Erik Santos a join cu Mau Escalona, Juji Werleman y “el Capitan” Ale Aparicio pa hunto regala 150 mucha di RCA nan ticket pa asina e muchanan por bin disfruta di e “partidaso” diasabra awor 17 di September pa 9:00 pm den Centro Deportivo Guillermo Prospero Trinidad RCA vs Concordia Campeon di St Maarten. RCA ta invita su fanaticada pa yega tempran pa disfruta di otro bon Clash ora Estrella topa Britannia pa 7or di anochi. High Performance y DJ Sky lo pone tremendo ambiente den e tribune pabou na banda di Colegio Arubano. Saca bo shirt Tricolor y pasa cumpra bo ticket tempran na Hamaka, Welcome Back Snack cerca Abelo of atardi na RCA ARENA.