Despues cu North y Center a biaha den e divisionnan di Little y Junior League, diabierna mainta tempran a toca turno na e seleccion di Aruba North League division Senior pa haci nan biahe pa e pais di St.Thomas, US Virgin Island, unda nan lo representa Aruba den e campeonato Latino Americano di baseball. E ekipo maneha pa manager Roderick Simon lo mester bataya fuerte contra e mihonan den nos region pa asina purba gana e pasashi pa yega e World Series di Senior League cu lo tuma luga na Bangor, Maine. Den e Interliga na Aruba, e ekipo di North League y Center League a hiba un bataya formal cu den e wega decisivo cu a caba super dramatico, unda North a laga Center den tereno.
Ultimo biaha cu Aruba a triunfa den un campeonato Latino Americano tabata na aña 2011, mientras un aña prome esta na 2010, Aruba representa e tempo ey pa NAS a logra e titulo mundial di baseball Senior League na Bangor, Maine.
E ekipo di Aruba North League lo ta bou maneho di manager Roderick Simon, coachnan Anthony Lacle y Eugene Helder, mientras e hungadonan lo ta Nestor Martis, Eugemar Helder, Jeandre Jacopucci, Yerinson Paredes, Arthie Lacle, Edvin Irausquin, Alejandro Claro, Ashe Ammerlaan, Dwayne Albertsz, Yadier Brete, Melkis Pequero, Rivandrick Simon, Benjamin Tromp, Andruw Dirksz, Ozzi Webb, Yowalfe Torres.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e biahe di e seleccion di Aruba North League division senior pa e campeonato Latino Americano di baseball na St. Thomas, US Virgin Island.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.