Jufrouw Suzette Croes di Maria School a duna di conoce cu tur aña 25 di Januari ta forma un comision di cuater persona mas of menos anto ta organiza un dia pa recorda Betico den diferente forma. Tin aña ta bai cu e muchanan bishita museo, ta bishita su graf, ta pasa pelicula. E aña’ki scol a opta pa haci weganan cu e muchanan y tambe nan ta bai wak un documentario chikito di Betico Croes den bibliotheek y tin un quiz despues di pauze pa e muchanan. Maria Scol ta conta cu 270 mucha y e aña’ki a organiza diferente wega manera entre otro Tic Tac Toe, rancamento di cabuya, stapelmento di bloki y pasamento dor di hoepel pues un variedad di weganan cu a muchanan por diberti nan mes. E muchanan a goza di esakinan paso nan ta expresa nan emocionnan durante e weganan cu gritamento y harimento. Maria Scol mas cu claro ta duna danki na e comision organizado pero tambe na tur e otro coleganan cu a yuda y mas cu claro na hoofd di scol cu tambe ta juda incasabelmente y tambe e muchanan mes cu a asisti pa participa na e weganan y haci e dia grandi y alegre.