PARIS, Francia – Entre 2007 y 2014 al menos 14 nacimento di babynan sin man of braza . E casonan a bati alarma cerca autoridadnan di salud y a habri un controversia riba e posibel causa di e hecho aki.
Dia 4 di october, e agencia di salud Public Health France a presenta un informe cu a sigura cu nan no a identifica un agente “comun” y a subraya cu e “analisis estadistico no ta mustra un exceso di casonan den comparacion cu e promedio nacional”. Basa ariba e resultadonan aki, e Agencia Nacional di Salud Publico di Francia a informa cu a pone un fin na investigacion: “E ausencia di un hipotesis riba un posibel causa comun di permiti realisacion mas investigacion”.
E fenomeno a bira conoci pa prome biaha cerca di un pueblo na Druillat (Ain, Francia), unda cu shete baby a nace cu e malformacion entre 2009 y 2014. Tur di nan den un radius di 17 km for di e aldea, un zona caminda tabata cultiva maishi of zonnebloem. Tres aña despues, a informa cu e defectonan similar a nace entre 2007 y 2008 den e ciudad di Mouzeil (Loira Atlantico). Na 2015 a certifica cu cuater mucha a nace cu e mesun problemanan den e ciudad di Guidel, un departamento di Gran Britania, den e sur di Francia, entre 2011 y 2013.
Negligencia cientifico
E conclusionan a wordo cuestiona pa e Registro di Malformacionnan di e region Frances di Rodano Alpes, despues di a realisa su mesun estudio na Ain, a considera cu e fenomeno por ta relaciona cu anomalianan ambiental.
E organisacion a papia cu e mamanan involucra pa establece si tabata tin algun factor comun. Causanan genetico a keda descarta, como tambe causanan cu tin di haber cu remedi, of alimento, of consumo di alcohol durante e embarazo.
Emmanuelle Amar, epidemiologo y director di REMERA, a afirma na The Guardian cu ta “científicamente negligente” di no sigui cu e investigacion. “Tin algo, algun producto cu ‘ta cortando e extremidadnan na momento cu embryo desaroya. Mester busk’e. Nos mester puntra si nos ta capas di para e desaroyo y hay’e”, el a splica.
Pesticidas
Yannick Jadot, ex candidato presidencial Frances y miembro di Parlamento Europeo, a manifesta cu e ta “absolutamente scandalisa” y ta di opinion cu “ta hopi probabel cu e problema lo tin di haber cu pesticida: “Tur e famianan cu a wordo afecta ta biba cerca di camponan di maishi y zonnebloem. Tin un sospecho di cu e malformacion lo tin di haber cu pesticida”.
E posibel vinculonan cu agricultura a wordo reforsa, sin embargo, tin informenan cu ta indica cu varios ta e carnenan cu a nace sin ribchi na Chalamont (Ain), cual lo tin di pensa ariba un susbstncia uza den e cultivonan of algun remedi veterinario.