KINSASHA, Republica Democratico di Congo- E seccion di Derechonan Humano di Nacionnan Uni a haci un investigacion independiente di e crueldadnan mas reciente cu a tuma luga den e provincia Kasaï den e Republica Democratico di Congo (CDR).
Esaki segun Zeid Ra’ad Al Hussein, alto comisionario pa derechonan humano na Nacionnan Uni, diabierna durante e sesion di Derechonan Humano di Nacionnan Uni, cual a tuma luga diamars na Geneva.
Miembronan di e gobierno Congoles, apoya door di e milica Bana Mura, den e ultimo lunanan lo a haci nan mes culpabel na violencia y crueldadnan, cu motibonan etnico na Kasaï, den Congo Central. Ta trata aki di corta parti di curpanan afo di muchanan chikito y corta bariga di muhenan na estado.
“Refugiadonan for di varios pueblo den e region Kamony a bisa di tabata testigo di varios asesinato y mutilacion, y e destruccion di pueblonan compelto”, segun Hussein. “Mi ekipo a wak muchanan di apenas dos aña cu cierto partinan di nan curpa corta afo, hopi baby cu heridanan di cuchiu of kemaduranan serio. Minister di Husticia Congoles a bisa caba cu su gobierno lo no coopera cu un investigacion independiente.
Fuente: www.reuters.com