Durante cu agentenan tabata patruyando ariba e tereno di Renaissance Market Place, na altura di Reinassance Ocean Suites, nan ta wordo para door di e security di dicho hotel. E ta declara cu tin 3 mucha homber, cada un cu un bicicleta, riba e tereno di hotel y nan tabata actua sospechoso. El a sigui bisa cu el a acerca nan pero cu nan a bira masha fresco mes cu e security. Ora cu nan a wak polis, nan a subi nan bicicleta y a bay for di e luga. E security a duna polisnan un descripcion di con e muchanan tabata bisti, dos tin dreadlocks, bisti na blanco, oranje y cora. Tambe el a bisa polisnan cu esun bisti cu t-shirt oranje lo tabatat tin un arma den su rugtas y cu e muchanan aki a bay para banda di e standplaats di taxi na Renaissance Hotel. Di biaha polisnan a bay na dicho hotel y a mira e muchanan aki ta trapa bay direccion noord. Polis ta para nan y ta trata aki di e conocinan di polis, J.JOSEPH,(t-shirt cora ) MC TROMP (t-shirt blanco) y D. PLAISIR, conoci tambe como “Pepito” (t-shirt oranje). PLAISIR y TROMP ambos tabata tin un schoudertas cu nan. Durante control no a topa nada particular den e tasnan.
E muchanan a bira fresco contra di e securitynan di e hotel y tambe contra un miembro di prensa cu a yega na e sitio. E security di Renaissance a bisa e trio cu ta prohibi pa nan subi tereno di e hotel. Polis a core cu e trio for di e luga.