Internacional: Autoridad di nort di Florida a keda sorprendi ora nan a topa cu un mucha di 10 aña na stuur ora nan a para un auto cu a wordo horta e siman aki.
Segun oficina di polis di Comte di Alachua, e agentenan a para un sedan blanco riba ruta 75 poco prome cu 4 or di marduga diahuebs na e ciudad di Alachua. E auto aki tabata wordo raporta como horta na North Port, un stad na zuidwest di Florida mas cu 300 kilometer di distancia.
E raport di e ladronicia di e auto a hiba e agentenan pa haci un “parada di trafico di halto riesgo”, segun oficina di polis den un post riba Facebook.
Ora nan a para e auto, e agentenan a mira un mucha di 10 aña sali for dilanti y su ruman di 11 aña sali for di auto, segun e oficina di polis den e post. Autoridadnan a keda sa cu e dos ruman tambe a wordo raporta como desapareci na North Port y e auto horta tabata pertenece na nan mama, segun e comunicado.
“Tabata sa cu tur dos mucha tabata tormenta cu nan mama pasobra nan a kita nan aparatonan electronico.
Despues di papia cu e muchanan, e agentenan a determina cu nan no a wordo maltrata pa ningun hende na nan cas. Nan mama, kende a maneha tres ora pa busca nan, no a kier haci cargo criminal, segun autoridadnan.
E menor nan no a wordo hiba prizon despues di e suceso y e autoridadnan a splica cu ya cu nan mama no a kier haci cargo tocante e auto horta, e unico “delito ta un biaha un violacion di trafico.