ARIZONA, Merca- Diasabra ultimo pa 5 or di atardi, warda di polis di Maricopa ta ricibi un yamada di Doyle Hebert, residente di e ciudad di Litchfield Park cu a declara na polis cu su nieto di 11 aña a tira su casa, Yvonne Woodard, di 65 aña mata. Despues di esaki, e hobencito a comete suicidio.
Según Arizona Daily Independent, Doyle Hebert y su casa tabata tin e custodia completo di nan nieto. E tragedia a bin despues di cu henter dia e welonan a pidi e mucha pa haci su camber limpi, cual e mucha tabata nenga di haci.
Despues, ora cu e pareha tabata sinta den sala pa wak television, e nieto a acerca e wela di lomba y tir’e den su nek cu e pistol di e welo.
Mientras e tabata purba di yuda su casa, el a scucha otro tiro: tabata su nieto cu a kita cay abao, ya sin bida. El a comete suidico. E welo a sigui bisa cu el a yega cerca di e mucha, el a tuma e arma y yama emergencia.
E caso ta bou di investigacion.