SOUTH WALES, Gran Bretania- E menor a haya sepsis despues di a pas sapato sin mea den un sapateria Britanico.
Sienna Rasul, un mucha muhe di cuater aña di Aberfan, South Wales, luna pasa a pega cu’n infeccion peligroso despues di a bay cumpra sapato nobo pa scol, hunto cu su mama. E noticia a wordo confirma pa e corant Britanico The Sun. Un dia despues e mucha a haya keintura, tabata tembla y tabata sufri di convulsion. Ela wordo hiba hospital pa su mama, unda el a wordo diagnostica cu sepsis.
Dokternan ta atribui e infeccion mortal aki na un bacteria presente den e sapatonan cu e mucha lo a pas den un tienda, sin bisti mea. Segun ta parce, e bacteria peligroso a drenta den e organismo di Sienna a trabes di un herida na su pia.
Aunke na prome instante doktenan a bisa cu lo mester opera e mucha, finalmente nan a logra saca tur e pus for di e pia cu a haya e infeccion y a haya antibiotica pa bebe.