DAMASCO, Siria- Un mucha homber chikito a wordo rescata despues di un bombardeo den un bario di e ciudad di Damasco, Siria, cual a destrui un edificio.
E momento dramatico a wordo capta ariba video y ta mustra varios homber ta cobando entre e ruinanan te cu e mucha ta aparece, yorando.
E imagennan ta capta manera niun otro e horror di e guerra y con esaki ta afecta esunnan mas vulnerabel, cual ta e muchanan.
Mientras tanto, forsanan gubernamental Sirio a avanza diamars pa Guta Oriental, e bastion opositor principal di areanan pafo di Damasco, unda cu nan ta tuma control di varios rancho, segun e Observatorio Siro di Derechonan Humano.
E tropanana leal na gobierno di Damasco tuma e ranchonan aki over den e parti ooost y zuid di e pueblonan di Mesraba, como tambe otro na Beit Saua, despues di combatenan contra e faccionnan islamita Legion di Misericordia y e Ehercito di Islam.
Cu e progreso aki, efectivonan gubernamental tin e pueblonan di Mesraba y Beit Saua den nan range di tiro. E operacion terestre ta conta cu e cobertura di e aviacion, cu a realisa mas di 157 bombardeo den e zona.
Segun e Observatorio, al menos cinco civil a muri diamars den e atakenan aereo na Yisrin y Saqba.
E agencia di noticianan Sirio, SANA, a informa di cu e ehercito a sigui cu su operacionnan den Guta Oriental, unda cu diamars anochi a lansa un atake contra di e resto di e “gruponan terorista” na Hush al Ashari y fincanan di Al Mohamediya, Al Rihan y Mesraba.
Autoridadnan Sirio a sigura cu nan ta enfrenta na Guta Oriental contra di e Frente al Nusra, manera anteriormente tabata yama e filial Sirio di Al Qaeda.
Fuente: https://www.telemundo51.com