ALABAMA, Merca- E crimen horibel aki lo a tuma luga despues di un pleito relaciona cu e benta di droga entre e acusadonan y e wela di e menor.
Den un santana di e estado di Alabama, un mucha special a wordo decapita pa dos homber despues cu el a presencia e asesinato di su wela, segun medionan local ta informa.
E dobbel crimen a tuma luga dia 4 di juni, pero e detayenan di e caso a sali na cla siman pasa durante un audiencia preliminar den e huicio contra Yoni Aguilar, di 26 aña y Israel Palomino, 34 aña cu ta enfrenta dos cargo di asesinato cada un.
E crimen a bin despues di un pleito relaciona cu e benta di narcotico entre e dos hombernan y Oralia Mendoza, di 46 aña, cu tabata relaciona cu e cartel Mexicano di Sinaloa. Aguilar y Palomino bou di engaño a hiba tanto e wela como e nieta, Mariah Lopez, di 13 aña pa un santana, unda cu Palomino a hinca Mendoza mata.
Door cu e menor tabata testigo di e asesinato di su wela, Aguilar, cu tabata pareha di Mendoza, a decapita Mariah presiona supuestamente pa su complice.