BERLIN, Alemania- E contraste di e potret ta deslumbrante: na banda robes, rabia, ta wak un manifestante di extrema derecha bisti na preto, bril scur y cabes feita. Na banda drechi, mirando e straight, ta wak un mucha muhe di scout di 16 aña di edad.
Un fotografo amateur a saca e potret dialuna durante e marcha pa Prome di Mei na Republica Checo, unda Neonazinan y e manifestantenan di derecha a topa cu e resistencia pacifico di otro protestantenan cu ta rechasa nan ideanan.
E potret a wordo ampliamente difundi y comparti riba rednan social, halando atencion riba e protagonista y e mucha muhe scout, Lucie Myslíková.
“E mucha muhe tin 16 aña, cu’n actitud halsa el a bay den e marcha y a bin cu algun argumento profundo”, segun Vladimir Cicmanec, autor di e imagen.
E organisacion di Scout di Republica Checa a splica cu Lucie a describi e encuentro como un “debate skerpi” cu no a bira violento.
Lucie a asisti na e contraprotesta cu shete of ocho scout mas.
E cantidad di manifestantenan di extrema derecha a wordo supera pa contramanifestantenan, algun di nan tabata tocando musica y cantando, segun prensa local.
Fuente: CNN