Mucha muhe di 20 aña tira mata den cabes den su cas

Un mucha muhe di 20 aña, yiu di e bon conoci doño di Mike’s Disco a haya un tiro fatal den cabes.

Diabierna mainta pa 4.20 central di polis ta haya notificacion cu un hende muhe a wordo tira na un cas na Flamboyantstraat. Na yegada di e patruya ta bin encontra un persona tira abou den sala cu un tiro den cabes.

Pa 5.40 Dokter Texier ta constata morto di S.R.C. Petronia naci na Aruba di 20 aña di edad.

Mesora a pidi pa departamento di recherche, polis tecnico y  slachtofferhulp.

E caso ta bao di investigacion.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.

Na famia di e victima ta bay palabra di condolencia.

 

 

Comments

comments