Un mama a drenta panico den cas dialuna anochi na Matividiri ora cu su yiu muhe di 2 aña a guli un tapadera y esaki a haya complicacion di hala rosea, y e mama na susto a pidi yudansa. Aki centro di alarma a informa Polis di biaha unda a mobilisa ambulance y central di polis a mobilisa polis cu urgencia.
Na yegada di e unidadnan ya mayor a logra di saca e tapadera cu a keda pega den e mucha su garganta y e tabata sano y salvo, pero su mayornan den susto pa e sucedido. Paramedico a brinda asistencia y a opta pa bay cu e mucha hospital pa un control medico.