CHANDIL, India – Sin dokter, sin ayudo postnatal, sin ningun cas, sin famia, un mucha muhe di 17 aña na India a trece su yiu su so na mundo. El a duna luz riba caya.
E mucha muhe a wordo destitui door di su famia. Un peaton a topa cu e mucha muhe banda di 4’or di atardi, mey mey di caminda, den e ciudad di Chandil, mientras cu auto y brommernan ta core riba caminda.
Bao di sanger
E mucha muhe tabata bao di sanger. El a lora e mucha den un paña. E lombrishi ainda no a wordo corta, segun e peaton a bisa Hindustan Times.
“E tabata mustra malo,” el a bisa. “E no por a para of tuma su yiunan den su brasanan. Tabata tin trafico pisa tabata core riba caminda, pero nan no tabata tin e forsa pa para pa e mucha muhe aki na canto.” Hunto cu otro peatonnan, e homber a percura pa desvia e trafico cu tabata core eynan.
Ningun ambulance
E peatonnan tambe a pidi pa ayudo medico. Den e vecindario tabata tin un clinica medico, pero nan a nenga di tuma e mucha muhe. Verpleegsternan a meld cu nan mester prome permiso di nan hefe y tambe di e famia, prome cu nan por yud’e. Tampoco nan no a manda ningun ambulance, pasobra no tabata tin ningun chauffeur disponibel.
E peatonnan a wanta aden. Nan a yama polis pa obliga e hospital pa tuma e mucha muhe y a percura pa un taxi, pa asina transporta e mama hoben y su yiu.
E mucha muhe na final toch a haya un luga den e clinica. E dokter a priminti di tuma accion contra e personal di e hospital, cu a nenga di yuda e mucha muhe.
Presion social
E mucha muhe a sali na estado indeseadamente. El a namora di un mucha homber for di su pueblo. E mucha homber a lag’e ora cu el a haya sa cu e mucha muhe a sali na estado di dje. Famianan di e mucha muhe, a core cun’e for di e bario. E mama a haya miedo pa berguensa, y e presion social di e lidernan di comunidad, si ta conoci cu e mucha muhe sin casa lo trece un yiu na mundo.
E hoben mester a keda riba caya pa e sobrevivi. Habitantenan di e ciudad a mir’e ta mendiga pa cuater luna.
E mucha muhe por keda dos dia den e hospital. E condicion di salud di e mama y yiu, segun e dokter, ta stabil. Kico lo pasa despues cu e hoben mama y su yiu lo ta despues cu e sali for di hospital, no ta sigur. Si ningun hende para pa e dosnan aki, e ora e hospital mester pidi ayudo for di un organisacion. Si esey a pasa, no ta conoci.
Fuente: www.rtl.nl