Diasabra mainta na Sero Patrishi un mucha muhe hungando den camber posibelmente cu un lighter ta cende e corchon na candela y esaki ta pega e cortina di camber tambe na candela. E mucha muhe a drenta panico y un bisiña atento cu a wak esaki a core drenta e cas bai den e camber ariba y a tira e corchon cu e cortina na candela for di bentana pa evita cu e candela bira grandi. Den e maniobra e homber a ricibi kemadura na su man. Polis y brandweer a presenta cu urgencia pero ja e candela tawata paga caba. E mucha muhe a keda hopi spanta y ambulans a presenta pa atende cune.