WEST VIRGINIA, Merca – Ta increiblemente tristo loke tentamento (bullying) por tin como consecuencia. E hobencito Jackson Grubb di e estado Mericano di West-Virginia a comete suicidio diasabra despues di a wordo tenta pa varios aña.
Su ruman muhe a hay’e den su camber, caminda el a colga su mes. Su famia a mir’e cu el a cambia den e ultimo temponan y ta convenci cu e pestdonan na su scol ta e origen di su hecho.
Su wela ta conta cu el a purba convence contra e pestdonan door di humor of tin biaha door di uza su moketenan, pero el a perde un tiki e gana. Su wela a purba di yude traha su propio clubhouse, pa asina e por cera mas amistad.
“Mi no tabata sa kico e tabata pensa,” e omo di Jackson a bisa na Daily Mail. “E tabata kier a pasa e ultimo dos anochinan cumi y mi no por a saca afo kico tabata e problema.”
Su ruman muhe a hay’e, pasobra e kier a bay cerca dje pa asina alegra su dia cu un dori. Su mama a bin di biaha cas, pero tur ayudo a bin mucho laat. “Ora cu na hospital nan no kier a lagami wak’e, mi tabata sa cu e no tabata tey mas.”
Fuente: Wel.nl