CARACAS, Venezuela- Den oranan di anochi di dia 16 di November, a drenta e noticia cu Adrian Cuacaran, e mucha homber chikito cu a canta pa papa Juan Pablo II durante su prome bishita na Venezuela, a fayece pa falta di remedi pa controla su hipertension.
E informacion a wordo suministra pa varios diputado di e Asamblea Nacional, ya Cuacaran tabata pertenece na e Comision di Medionan di Parlamento.
“Hopi lamentabel e noticia di fayecimento di Adrian Guacaran, e mucha homber chikito cu a logra conmove cu su canto na kende awendia ta un Santo: Juan Pablo II. El a muri den un hospital pidiendo yudansa pa salba su bida manera tanto otro Venezolanonan. Paz na su alma #17Nove”, e diputado Olivia Lozano a skirbi riba su cuenta di Twitter.
Mester destaca cu Guacaran tabata pidiendo yudansa pa medio di su rednan social ya cu e tabata sufri di presion halto y e no tabata haya e remedinan pa controla su malesa.
Fuente: https://www.lapatilla.com/