Polisnan di frontera diamars a topa cu dos ruman – un mucha muhe di dos aña y un baby di tres luna bieu – bandona na Rio Bravo, cerca di Eagle Pass, Texas, según un comunicado di autoridadnan di Duana y Proteccion Fronterizo.
E hayazgo aki a sosode den oranan di merdia dia 14 di september momento cu e polisnan asigna pa e area, tabata den un operacion ora cu nan a mira un “color inusual” na rand di e riu.
Eynan a bin topa cu e muchanan, e mucha muhe bisti cu carson roos y blusa geel sinta banda di su ruman homber baby cu tabata den un carrier.
E polisnan a haya un carta cu ta splica cu e muchanan ta ruman y nan ta di Honduras.
Den e ultimo lunanan varios menor a wordo haya na frontera. Na april ultimo dos ruman di cinco y seis aña a wordo laga door di traficantenan di persona den un zona aleha di frontera entre California y Mexico.
Un siman prome cu e incidente ey, tambe den april, Polis a revela un video cu a registra con un homber tabata laga dos mucha, di origen Ecuatoriano, di tres y cinco aña cay for di un muraya halto na frontera. Un muraya cu tapidi 4.2 meter di halto, na un area na New Mexico.