VIRGINIA, Merca- Un mucha di cuater aña ta tira su ruman di dos aña mata diamars. Tur cos ta indica di ta un accidente. E mesun anochi un otro tragedia a tuma luga den e mesun estado, caminda cu’n mucha a tira su mes mata.
Den e ciudad di Louisa, un mucha homber di 2 aña, Tyson Aponte tabata hungando cu’n arma. El a wak e arma pa un arma di co’i hunga y a tira su mesun ruman mata. E bala a alcansa e criatura na su pecho. Paramediconan no por a haci nada mas, e mucha a fayece door di su heridanan.
Segun e comisario local, e mama tabata na cas ora cu e tragedia a sosode.
Na Roanoke, tambe na Virgina, e mesun dia, un di dos tragedia cu arma di candela a tuma luga. Akinan tambe e victima tabata un criatura. Segun vocero di polis, e mayornan a declara cu e criatura a tira su mes mata den nan apartment. E criatura a wordo hiba pa hospital, pero e no a logra sobrevivi. Kico a pasa exactamente, no ta conoci.
Fuente: De Telegraaf