TEXAS, Merca – Un homber a wordo acusa di a secuestra un mucha muhe di 8 aña cu tabata canando den un caya di Forth Worth, Texas hunto cu su mama.
E mucha a wordo haya sano y salbo ocho ora despues di den un hotel cercano na Forest Hill.
E secuestrador, Micheal Webb, di 51 aña, a wordo aresta na e luga.
Un homber a ranca e mucha cu forsa diasabara den oranan di atardi y a hink’e den su auto. Polis a difundi imagennan di e camara di siguridad di e auto. Polis a bin haya Webb y e mucha den un hotel danki na pistanan di personanan cu a bisa di a wak e auto en cuestion para na dicho hotel.
E mucha a wordo hiba pa hospital.