Internacional: E mucha a wordo cera den un cas na Alemania dor di su propio mama. Afortunadamente e no tin indicacion di maltrato y desnutricion, pero tin etapanan di desaroyo cu e no a logra desaroya manera con pa subi trapi.
Imagina un mucha di 8 aña pa cual casi 7 aña e la keda cera den un camber. E motibo pakico mucha aki a keda cera dor di su mama y su welonan ta desconoci.
E mucha a wordo libera den luna di september cu a pasa, aunke cu ta te awor e historia aki ta sali na cla. E emocion di e pueblo y Alemania completo tabata enorme
E caso di e mucha como un desapareci no tabata un caso desconoci, pues ya caba 2 aña pasa tabata tin e prome denuncianan di e paradero di e mucha.
E victima di solamente 8 aña di edad a wordo duna na un famia. E sa lesa , skirbi, conta apesar cu e no a bay ningun scol durante su añanan cera den e camber.
“E mucha muher por papia y cana pero tin aspectonan fisico motorico cu ta falta por ehempel casi e no por subi trapi su so”, asina e fiscal cu ta encarga cu su caso a afirma.
Profesionalnan psicologonan cu ta atendiendo e caso ta teme cu e tempo largo cu e la keda cera por causa traumanan a largo plazo.