ARIZONA, Merca- Despues di e sucedido, den e centro nan a obliga e menor na firma un documento cu ta avise pa e mantene e distancia for di otro personanan for di e luga, segun The Nation.
Un mucha muhe Guatemalteco di 6 aña, separa di su mama pa e politica di “cero tolerancia”di Donald Trump,supuestamente a wordo sexualmente abusa pa un otro mucha den e centro di detencion di inmigrantenan den e estado di Arizona, segun The Nation ta raporta.
Despues di e sucedido den e centro nan a obliga e mucha cu a abusa di dje, na firma un documento cu ta advirti’e pa e mantene distancia di otro personanan di e luga. Ademas, e acto ta enfatiza cu e el a ricibi “instruccionnan” cu ta inclui un curso di contacto fisico, bon y malo” pa informa su supervisornan riba e posibel comportamento inapropia.
Segun e dato di e fuente, e mucha y su mama a drenta Merca ilegalmente den e ultimo dianan di mei. Dos dia despues, autoridadnan a separa e famia y a ponenan den Glendale House, un centro di detencion pafo di Phoenix, cu otro muchanan migrante. Eynan ta caminda cu e mucha lo a wordo abusa di dje na juni, segun The Nation.
Informenan ta indica cu e famia di e menor a logra reuni bek danki na e organisacion Families Belong Together. Sin embargo, e mama ta afirma cu e comportamento di e mucha awo ta otro.