TORONTO, Canada- Un mucha di 5 aña cu, a pesar di edad hoben, ya caba a logra supera un malesa oncologico, a fayece dialuna. E la wordo gedal pa un auto sin chauffeur.
E accident a tuma lua den horanan di atardi, ora cu e tata di Camila de Almeida a bay busca su yiu na e crѐche.
Prome cu el a logra subi auto di su tata, un otro auto particular den D y sin niun hende na stuur a dal e criatura, cu a keda pega entre ambos auto. Mas laat el a muri na hospital a consecuencia di e heridanan grave cu el a sufri.
Segun famianan di e mucha a revela, ya na cu su tres aña Camila a wordo diagnostica cu’n tumor maligno. Despues di un intervencion kirurgico pa saca un di su riñonnan y varios tratamento, cu a inclui kimoterapia, e hobencita su estado di salud a mehora notablemente . El a cuminsa hiba un estilo di bida normal y a cuminsa bay un creche.
Famia y compañeronan di Camilla a pone flor na e luga di e accidente tragico aki, mientras cu autoridadnan ta investigando si e auto cu a causa e accidente a wordo laga den D door di un eror humano of door di un desperfecto mecanico.
Fuente:https://actualidad.rt.com