AMSTERDAM ZUID, Hulanda- Den un tiroteo den Herculesstraat na Amsterdam Zuid diadomingo anochi, un homber ta mata su yiu di cinco aña, su casa (30) y probablemente su mama (67). Despues e homber aki ta comete suicidio. Esaki segun informe di polis.
Ainda polis ta bezig cu e investigacion di e drama familiar, caminda cu den oranan trempan di mainta, ainda e caya tabata cera. Specialistanan forensico lo mester aclarea kico a pasa den e cas.
Spanto
Bisiñanan ta reacciona spanta. “Bo ta keda sorprendi di con esaki por tuma luga den bo bario”, segun un di e bisiñanan. Un otro ta declara cu “rond di 1 or di marduga nos a tende un zonido duro. Kisas den e oranan ey, polis lo tabata purbando di drenta den e cas. Esaki ta algo hopi spantoso”.
Recherchenan ta sali for di e punto di bista cu e homber lo a mata e dos muhe y e mucha, prome cu el a tuma su mesun bida.