CARACAS, Venezuela- Un mucha muhe di 4 aña a muri na Caricuao, Caracas despues di cu e cas a coy candela doro di un bela. Esaki a tuma luga durante e blackout cu ta afectando e pais desde dialuna ultimo.
E menor a muri gestik, mientras cu su ruman di 8 aña di edad y e mama di ambos a wordo interna den un centro asistencia pa haya atencion medico pa e kemaduranan cu nan a ricibi.
E tragedia lamentabel aki a tuma luga na momento cu e famia a cende un bela pa trece claridad durante e blackout. Informacionnan ta indica cu e tata di e muchanan a emigra pa Peru pa busca stabilidad economico pa su famia.