HELMOND, Hulanda – Den un tiroteo den e centro di Helmond dialuna merdia un mucha di 2 y otro di 15 aña a wordo herida. Segun polis di Helmond ta trata di dos persona inocente cu tabata na e momento menos indica na e sitio. Un paar di shen meter mas leu, polisnan a detene un sospechoso riba sospecho di envolvimento den e tiroteo.
E mucha di 2 aña tabata cu su mama ariba bicicleta, sinta den su stoel patras y a wordo herida door di un bala den su pia. E hoben di 15 aña tabata pasando ariba e bicicleta y a haya un bala den su brasa. Nan a wordo transporta pa hospital. E hoben di 15 aña ya caba a sali for di hospital, mientras cu esun di 2 si ta bou di tratamento.
Prome melding
Polis di Helmond, entre tres pa tres or y mei, ta haya e prome melding tocante di e tiroteo. Durante e incidente un auto tambe a wordo alcansa pa un bala. E vehiculo a wordo laga atras den un caya cu e windshield patras kibra. E ocupantenan a huy. Un otro auto, un Opel Astra, a speed bay. Esaki a wordo haya un mita kilometer mas aleu. E ocupantenan di e auto aki tambe a huy.
Loke a pasa durante den Molenstraat, no ta conoci, segun un vocero. Un helicopter di polis tambe a wordo poni den uzo.