DURANGO, Mexico- Un mucha muhe di 8 aña a wordo mata pa su primo di 12 aña, como un acto di vengansa. Esaki a tuma luga den e comunidad El Centenario, municipio di e estado di Durango, den e noordoost di e pais, unda el a mata su prima, door di manda e mucha cu piedra. Esaki pasobra cu e omo (tata di e mucha muhe) a hala e primo su atencion y a sut’e.
E caso aki a tuma luga siman pasa, pero autoridadnan a informa tocante e sucedido aki e siman aki, ora cu e investigacionnan a conclui cu e responsabel di e asesinato ta e menor di 12 aña.
Riba e dia di e asesinato, segun autoridadnan, e primo a invita e mucha muhe pa bay pisca na un riu cu ta keda cerca. Algun hora despues el a bolbe bek cas, su so y a bisa cu e mucha a bin cas prome cun’e.
Famianan, cu e menor como nan guia, a cuminsa e buskeda y a raporta su desaparcion. E dia siguiente, polisnan a haya e curpa di e mucha, cu golpinan di piedra, tapa cu rama y blachinan di mata, den un cas bandona cerca di e riu.
Pa awo e mucha no por wordo husga debi na su edad; ley di Durango ta prohibi pa procesa e mucha pa asesinato, pa cual minsiterio publico lo interna e menor den un hospital di salud mental, unda e lo haya rehabilitacion y tratamento pskikiatrico.