Ultimo dianan por a tuma nota cu cifranan di casonan nobo pa cu Corona Virus riba nos isla a cuminsa aumenta. Mes momento DVG ta anunciando mas caso di loke ta e Corona Variante riba nos isla, unda te na e momentonan aki nos tin variante di Reino Uni, Brazil, California, Sur Africa y Mexico. Nos a surpasa 500 caso cu ta activo.
Hobencito cu Corona Virus den ICU
Un noticia cu sigur nos redaccion a haya informacion di dje y ta di lamenta cu nos tin nos prome caso di un hobencito naci na aña 2008 di apenas 12 aña di edad biba na Tanki Leendert cu diaranson marduga a bira mas malo y cu problema respiratorio a keda transporta cu urgencia pa hospital cu personal di ambulance. Segun informacion clave e hobencito a bira basta malo mes y mester a drenta den e parti di cuido special pa cu su situacion.
E noticia ta keda confirma debi cu un specialista di pulmon a pone publicamente riba su facebook cu Aruba a conoce un dia scur pa loke ta e ICU debi cu nos a conoce e prome caso di un persona jong cu a keda interna.