MENDOZA, Argentina- Un mucha muhe di 10 aña cu a sali na estado despues di a wordo viola, a duna lus na un yiu homber den un hospital di e provincia di Mendoza (Argentina), segun e corant ‘El Sol’.
E embarasa a wordo descubri dia 9 di Augustus ultimo, ora cu a mama a hiba e mucha un centro di salud pa dolornan abdominal fuerte. Eynan dokternan a comunica na e mama cu su yiu tabata na estado di 32 siman y constata varios signo di ultraje.
E menor a keda hospitalisa te na ultimo debi na riesgonan halto di su embaraso y despues cu el a sali for di hospital, dokternan a practica cesarea riba dje den un otro centro medico.
Tanto e mama jong como e baby ta den bon estado di salud, aunke e chikito “no ta cu e mama ya cu e lo wordo poni pa adopcion”, e fiscal adjunto di Mendoza, Gonzalo Nazar, a splica.
Despues di e nacimento, dokternan haci un test di DNA pa asina husticia por determina ken ta progenitor di e criatura.
Polisnan ya caba a detene un primo di e victima, di Bolivia pero cu tabata biba na e mesun cas. E homber di 23 aña a wordo acusa di abuso sexual cu acceso carnal.
Otro sospechoso ta un omo di e mama jong, un adolescente di 15 aña, cu door di su edad hoben, ta na disposicion di un organo administrativo local.
Fuente: https://actualidad.rt.com