E curpa sin bida di un mucha di apenas 10 aña a wordo haya den e mecanismo cu ta hisa y baha e wielnan di avion di e compania Air France, cu tabata bini di Abiyan, Costa di Marfil. E avion, un Boeing 777, a lanta vuelo na Abiyan, capital economico di Costa di Marfil, Diamars anochi 7 di Januari, y ta baha na Paris poco despues di 6’or di mainta. E compania a confirma e informe aki den un comunicado di e morto di un “polizonte” y ta lamenta e “tragedia humano” aki pero no a duna mucho detayes di e mucha. “Fuera di e tragedia humano aki, esaki ta duna indicacion di un gran fayo den seguridad di e aeropuerto di Abiyan, caminda cu ta wordo cuestiona con e mucha aki por a pasa tur e medidanan di seguridad pa subi e avion sin cu ningun hende a ripara. Den ultimo añanan varios “polizonte”, incluso hobennan, a wordo haya morto gevries of placha den e mecanismo di hisa y baha e wielnan di avion.