BASEL, Suisa – Un mucha homber di 10 aña for di noord di Alemania, a spanta asina hopi di su rapport, aunke e tin vasta voldoende, cu el a dicidi di huy for di e pais. E mucha homber no a durf di bin cas y diabierna a coy un trein pa Basel na Suisa, segun medionan Aleman a bisa diasabra. Ora cu el a ricibi su rapport di scol y cu el a mira cu tabata tin un 3, e mucha a biaha for di Hamburg, unda cu el a coy un trein pa Suisa.
E tabata tin un carchi di trein valido, pero e conductor a haya straño cu for di Freiburg y Basel, cu e tabata biahando su so. El a adverti na polis cu e “refugiado”, kende a ricibi’e na Basel, Suisa y despues a hib’e na e ciudad fronteriso Aleman, Lörrach.
E mayornan preocupa a haya falta di nan yiu y a meld esaki na polis y a bay e ora cu un alivio grandi, casi 1000 kilometer mas den zuid pa busk’e. Polis no tin ningun idea di con e mucha homber a dicidi di scoge Suisa como un pais di asilo.
Bon rapport
Segun un vocero policial, no tabata cla dicon e mucha a pensa cu e tabata tin asina un mal rapport. Na Alemania, un sistema di calculacion escolar ta wordo uza, unda cu un 3 ta ekivalente na basta voldoende.
Fuente: www.nu.nl