BUENOS AIRES, Argentina – Despues di cuater dia di buskeda, e curpa di e menor a wordo haya den un saco di plastic den un buraco. Su omo y su casa, cu a sigura di no sa di e paradero di e mucha, ta e principal sospechosonan.
E caso di Sheila Alejandra Ayala, 10 aña, a estremece Argentina. E menor a disparce dia 14 di october ultimo ora cu e tabata hungando cu’n amiga den e parke cera di e ciudad di San Miguel, cerca di Buenos Aires. Despues di cuater dia di buskeda y declaracionnan incoherente, e curpa a wordo haya den e mesun luga unda el a wordo mira pa ultimo biaha.
E cadaver a wordo haya den un saco di plastic den un buraco entre dos muraya, di e mesun propiedad, unda cu bisiñanan ta tira sushi. E mesun zona a wordo inspecciona durante e prome 48 horanan, despues di e desaparicion, pero e agentenan no a haya nada.
Omo y su casa, e principal sospechosonan
E luga unda e restonan di Sheila a wordo haya ta pega cu e cas unda e omonan di e mucha, Leonela Ayala y Fabian Gonzales, ta biba. Esakinan a sigura e investigadonan como tambe varios reportero, cu nan no tabata sa di nan subrina of di loke por a pasa cun’e.
Sin embargo, awo ambos ta e principal acusadonan. Segun e hipotesis, su omo y e casa lo a mata Sheila den su cas y despues a benta e curpa, lora den saco do plastic, for di seis meter di haltura pa e buraco unda el a bin wordo haya. Den e cas a bin haya obhetonan (un popchi, saco di sushi y tape, compatibel cu e teoria.
E dia di e hayasgo macabro aki, Leonela Ayala a confesa e crimen na polis: “Nos a bebe alcohol y droga. Nos no sa kico a pasa”.
Autoridadnan policial di Argentina a sigura cu no ta trata di un morto violento. E informe preliminar di e autopsia ta revela cu e mucha a wordo strangula cu’n cinta. Tur cos ta apunta di cu el a muri de mesun diadomingo cu el a disparce.
Aunke Sheile tabata tin heridanan den su zona genital, e investigadonan ta considera cu nan a purba ataca sexualmente pero no a logra haci e saki. Ademas, tin señal di cu e menor a purba defende su mes, un di e acusadonan, su omo Fabian Gonzales, tin señalnan di a wordo huña.
“Enamora di mi subrina”
E crimen brutal ta sigui acumula mas detayenan escalofriante. Otro tanta di e menor a publica declaracionnan repugnante cu e omo a haci riba Facebook. “Mi ta namorando di mi subrina y mi casa ta muri di jaloezie”, cu supuestamente a wordo scirbi dor di Gonzales. “ Mi ta pensando ariba e hecho cu mi casa ta den haya yiu. E ta un problema grandi”.
Segun e muhe, e acusado a elimina e postnan di su profile, pero el a logra screenshot esakinan.
Plan comun
Leonela, cu ya caba ta mama di tres yiu, a duna luz na su di cuater yiu, diabierna ultimo. El a yega hospital geboei y bou custodiada pa shete polis. Servicio Social a informa cu nan a kita e voogdij di su yiunan for di dje. Fabian, entre tanto a nenga di duna su version di e sucuedido. Leonela a bay di acuerdo ta testigua cu e no tabata na cas ora na ora di e desaparicion di e mucha”.
Segun un documento na cual Infobae tabata tin acceso, ministerio publico a yega na e conclusion di cu e omo y su casa Sheila “a bin cu’n plan comun” la mata e mucha den e cas. Asina Gonzales lo wordo acusa como co-autor di e delito di homicidio dobbel door di maldad y femicidio y e casa mesun cos.