Diaranson anochi automobilista a capta un mucha chikito ta core riba caya suso banda di caminda yegando 88 food na Macuarima y a para di biaha y papia cu e mucha pero e tabata perdi y leu di cas. E criatura di por lo menos 2 aña a sali for di cas sin mayornan sa y a cuminsa core riba caya probecha un rato di e aire liber. Polis a yega di biaha manera cu e persona a bati alarma. E mayor a presenta algun minuut despues cu nan a haya su falta den cas. Polis a tuma dato y papia cu e mayor pa ta mas atento cu muchanan.